「老闆娘」福利？！ 陳庭欣𥄫森美出浴
無綫小花陳庭欣（Toby）和坐擁過億身家的美容業老闆楊振源（Benny）頻頻在社交平台放閃，感情穩定，更不介意人前恩愛，近日Benny以7位數字酬勞，找來森美大晒胸肌為旗下沐浴露擔任代言人並拍出浴廣告，拍攝當日Toby以老闆娘姿態前往探班，私下分屬老友的森美，更半裸晒胸肌來恭迎，她即送上愛心花膠湯讓他補身：「嗰日落雨又凍，所有人都好照顧森美同小演員，怕佢哋冷親！」不過壯健的森美全程交足功課，在泡泡浴中與小演員玩潑水，大晒暖爸形象。
公私分明照收錢
今次Benny沒有因利成便，給有「蜜桃胸」稱號的女友上陣拍出浴廣告，問是否被私有化不再性感示人？Toby坦言要公私分明：「遲啲佢話有隻Sell高貴路線嘅產品，先搵我幫手！（自己人唔計酬勞？）工作方面我哋好獨立，我同TVB有合約，交番畀公司傾啦！」
首次探班冇人理
Toby稱男友選中森美做代言，自己事前亦不知情，並不存在友情價：「森美形象好，擁有大班師奶粉絲，對男友決定予以百分百信心！（老闆娘駕到人人醒神？）我第一次去探男友班，當時個個都好專心做嘢，冇人理我喎！（有冇獎勵？）男友月中生日，我會陪佢去旅行慶祝，去旅行輕鬆吓都算獎勵！」