張衞健怕咗老虎乸非洲嗌金句谷劇

洪永城、蔡思貝及楊秀惠等前晚出席無綫新劇《大帥哥》首播飯局，男主角張衞健因與太太張茜去了非洲旅行缺席，但亦識做地拍片支持。片中他解釋因答應了老婆外遊，笑說：「如果我放飛機，會畀身邊嘅老虎乸叼咗去！」隨即將鏡頭轉向素顏的張茜，之後又中途落車，拿起被獅子咬剩棚骨的水牛頭拍照：「大帥哥都係咁話，唔係鐵打！」短片尾聲更教黑人司機以廣東話為劇集宣傳，二人同聲高呼劇中金句：「大帥哥好掂，大帥哥型到噴汁！」非常爆笑。

生日Order畀驚喜

飯局上，大會送蛋糕為明天35歲生日的洪永城預祝，對於憑此劇提名視帝及「我最喜愛電視男角色」，他呼籲觀眾把他的票轉投「大帥哥」Dicky，問到是否事先投降？他說：「其實我哋係谷晒畀Dicky，不過相信唔使我哋，佢本身都好多支持者！但有少少遺憾係套劇播咗兩個星期就係頒獎禮，大家發揮得好嘅戲喺後面，不過冇辦法啦！」又表示生日會與Dicky、蔡思貝及徐榮等飛到北京宣傳，已約定大夥兒見面，笑說：「我叫咗佢哋畀個驚喜我！」

壽星洪永城被一眾女拍檔整蠱，成面忌廉！

身在非洲的Dicky，孖司機拎起水牛頭。

楊秀惠跟Dicky學調情

至於蔡思貝趕及「尾班車」入圍視后及提名「最受歡迎電視女角色」，但坦言信心不大，反而寄望與緋聞男友余德丞奪拍檔獎。提到網民大讚他們登對，並催促公開戀情，她笑說：「我哋就好似當年洪永城同黃翠如咁，係好拍擋，唔係情侶。」楊秀惠同樣睇好張衞健奪視帝，認為即使落空，他在觀眾心中亦已是視帝，並指劇中情挑戲份亦是由Dicky親自指導。

另外，對於網民追問她是否真摑Dicky，以及是否真的被「大帥哥」摸屁股，她在社交網留言解答：「答吓你哋啲問題－－係，真摑，真拍拍拍，真打，真Patpat。」