林秀怡嘈嘈閉黎振燁封「NG王」

四人一拍即合，戲裏戲外玩到癲。

以「新面孔」來形容黎振燁、林秀怡、林景程及王梓軒絕不為過，雖然他們在2009年加入演藝圈，輾轉9年卻苦無出頭天。四人在劇集《是咁的，法官閣下》中結緣，戲內共度不少挫折與難關，戲外亦一拍即合成為好友，秀怡被指是最嘈吵的活躍分子，而振燁則被推舉為「NG王」！

重返娘家有運行

振燁與秀怡是第23期藝員訓練班同學，回想當年畢業後的實習期，秀怡說：「劇接劇咁做閒角，冇人照顧，慢慢學識走位同搵鏡頭！」而振燁則完全相反：「當時完全冇嘢做，畀人嫌我太高，依家寧願有得做冇得瞓！」曾離巢的他今次重返娘家，獲監製賞識，在劇中有所發揮。

而景程與梓軒則同樣經歷轉型的不安感，梓軒說：「由歌手轉做演員，完全係另一群人睇你表現，好多嘢係重新開始。」而《超級巨聲》出身的景程，笑言當年很快被「Out」，仍能以歌手入行實屬幸運，今日能成功轉型，要感謝監製及編審，拍檔振燁笑言：「喺佢哋面前根本無法瞞天過海，佢哋比我更清楚自己，角色入型入格係全靠佢哋。」

林秀怡（右起）與黎振燁向前輩黃智賢偷師。

林秀怡指初入劇組不時撞板，慢慢才學識走位等技巧。