艾美琦王家淇鬧「暈」姚琰欣
藝人艾美琦、王家淇及姚琰欣等前晚為電影《有罪》宣傳，影大合照時艾、王兩人不肯靠近姚琰欣，之後兩女主動向記者表示有嘢講，此時王家淇拿紙巾抹淚！艾美琦說：「王家淇係我好朋友，佢畀人蝦到上心口，有個女演員唔係主角，但王家淇喺電影中裸露嘅鏡頭唔知點解率先被公開咗，仲畀人單單打打，笑王家淇乳暈唔夠粉紅，又話佢Cheap，一齊食飯又畀說話佢聽。」
問到該人是否指姚琰欣？艾美琦點頭說：「我依家係同佢講，叫佢收口，否則我哋唔會客氣！佢仲無端端話我教王家淇蝦佢。」當兩女受訪時，姚琰欣全程站在附近，但未有反駁或開口澄清。