阿嬌減磅練蛇腰老公潑冷水
藝人鍾欣潼（阿嬌）昨日出席公開活動，下月底便擺喜酒的她，近日忙於整理終極賓客名單，連中、小學同學在內，邀請的賓客接近40圍，愈請愈多人！
清減不少的阿嬌近日開始減磅，很快已減掉5、6磅：「我戒甜、澱粉質同做運動，希望Set到目標同大家分享，公司有幫我拍片。其實我件婚紗腰位好細，我一直冇試，因為肥點試都唔好睇，所以我理想係減多10磅！（老公同你一齊減磅？）佢一直有健身習慣，但佢好衰，成日打擊我嘅信心，有時我準備出門口做運動，佢就會話好攰嚟打擊我，我又懶，成日會有藉口，惟有逼自己減肥，老公逼唔到我。」
聖誕將至，首次以人妻身份與老公度聖誕的她笑言，首要將家中擺放了一年的聖誕樹處理好，再重新布置。