孫耀威除衫騷濕疹亡命踩Roller

孫耀威踩Roller上舞台，睇落有少少牙煙。

一連兩晚「孫耀威演唱會2018」前晚假九展舉行頭場，孫耀威（Eric）太太陳美詩及藝人好友陳佩思現身後台外，王祖藍偕懷孕太太李亞男、鄺文珣、車婉婉、童愛玲、王君馨與老公等到場欣賞，全場爆滿。穿白色禮服的Eric一口氣唱完兩首歌曲，跟觀眾說要「處男爆」：「頭先Rundown唔畀我講嘢，我就嚟爆！今日主題係Hysteric，唔只我歇斯底里，你哋都要！」粉絲即大叫「好靚仔」。

自稱是福音歌手的他笑言「少啲福音，多啲腹肌」，隨即上演「脫衣騷」，除去外套露出苦練得來的麒麟臂，不過手臂及身體出現一撻撻疑似濕疹。到唱《療Dry》時，他與Dancers換上Roller鞋由台邊向觀眾席繞場一周，折返台上跳舞和做出拉龍等花式，再企上小舞台，有型又有點牙煙！

晒才華公然「吹嘢」

之後Eric大晒音樂才華，彈鋼琴、結他及吹口琴，笑言：「又到咗吹嘢嘅時候！」Encore時，他感謝以前及現在台灣及香港各唱片公司的支持：「雖然我曾經好似好坎坷、經歷好多起跌，但你哋仲喺度大聲支持，已經好開心！」又說看見歌迷的聲援牌，可謂百般滋味在心頭，沒想到至今才開騷，笑言：「好彩大家仲健在！」談到驚喜回歸樂壇，他鼻紅紅忍淚，谷到面上紅印更嚴重，當開口唱《我知道你在等我》時泣不成聲，聽到歌迷大合唱，他喊得更勁，淚浸演唱會。

晒臂一撻撻	處男騷爆喊	王祖藍（右）、王君馨（左二）齊齊帶另一半睇騷。