黃翊報喜老婆今出院
歌手黃翊昨日舉行簽唱會，剛過51歲生日的他，獲半百粉絲大唱生日歌，他更公布喜訊指太太今日出院，可與囝囝一齊補祝自己生日，又冧爆稱收到囝囝的畫作做禮物，心意十足！
講到個唱、新碟均反應熱烈，問可會「添食」再開騷回饋粉絲？他指現時與主辦商洽談中：「個騷未做，佢哋話見到反應好好就要開Part 2，呢排都有同佢哋接觸，希望盡快成事。（大約幾時？）2019年內，唔想隔太耐，希望下次去更好嘅地方開，個個人都想去嗰度嘅，我唔講出嚟啦！（紅館？）當然想！要更上一層樓，能夠踏上嗰度嘅舞台，係值得開心同興奮。（試吓入紙？）呢啲就交畀主辦商。」