梁嘉琪日本撲飛撐學友

藝人梁嘉琪前晚為慈善晚宴擔任主持，問到年尾是否接了不少晚宴主持工作？她即笑晒口話好開心，又指剛從日本工作回港，期間還成功撲飛睇歌神張學友日本站巡演：「用盡畢生嘅運氣買到兩張飛同經理人去睇，第一次喺日本睇騷就梗係畀我最鍾意嘅神啦！佢全程用流利嘅日文對答，好犀利！」她又自爆今次出Trip銀包「失守」：「成日都有個心態係出埠工作賺錢賺得番，喺便利店狂掃零食，每日又食五至六餐，希望啲人唔覺我肥咗。」