結婚周年三人世界 李嘉欣忟老公唔浪漫
大美人李嘉欣出席商場聖誕亮燈活動，提起囝囝，她指對方若有事相求就會好Sweet，把她當女友：「我同佢FaceTime，佢會不停對住電話錫，又話返屋企要攬我，補償番，同佢有種戀愛嘅感覺，可愛時好似天使，但唔係經常。」李嘉欣與老公許晉亨本月23日結婚十周年，問到如何慶祝？她說：「我諗非常簡單咁慶祝。（二人世界？）老公有預埋囝囝，我聽完都忟，十年前嗰陣時佢都未出世，點解會預佢？諗起一啲都唔浪漫，不過佢應該檢討咗。（有咩禮物想要？）保持依家咁已好好，佢係好老公又係好爸爸。」
嘉欣被問到聖誕會否去滑雪，她表示未必：「都想變吓，不過小朋友鍾意。（唔遷就小朋友？）我可以一個人過單身聖誕都得o架，等佢哋知我唔喺度，會掛住我，更加愛我。（係咪之前滑雪受傷怕咗？）都真係有啲驚，返到嚟都醫咗好一段時間。」
