Lokman姜濤襲銅鑼灣粉絲危企馬路

男團MIRROR成員姜濤、Anson、Lokman及Ian在銅鑼灣鬧市現身,部分粉絲為見偶像,竟企出馬路,最後要警察維持秩序。對於收入要全組成員瓜分,姜濤沒有異議,認為機會比金錢更重要,Lokman亦笑謂只要有衫着就得!

由節目《全民造星》參賽者組成的十二人男團MIRROR,當中四位成員姜濤、Anson Kong、Lokman及Ian昨日在銅鑼灣出席品牌活動,吸引大批粉絲舉牌支持,期間有粉絲企出馬路,險象環生,結果要出動警察到場維持秩序。

「有衫着就得」

對於組合將於下月21日舉行音樂會,隊長Lokman透露正構思表演形式,希望為歌迷帶來新鮮感:「初步係12個人會有唔同合作部分,之後亦各有Solo,到時除咗唱我哋首歌,仲計劃緊出多首新歌,又會揀鍾意嘅歌改編。」

眾人以組合名義簽約ViuTV旗下,被問到是否滿意工作分配?姜濤說:「工作都多。(點樣分錢?)機會緊要過錢啦!(頭先啲粉絲企晒出馬路好危險喎!)會叫佢哋注意安全,但見到佢哋嚟支持又好開心。」

Lokman也不介意酬勞要12人瓜分,笑說:「有衫着同有嘢食已經好滿意!」並透露成員將參與劇集及綜藝節目拍攝工作;Anson就透露組合稍後將成立粉絲後援會。