蕭正楠送車畀翠如

翠如曾透露想今年到芬蘭看北極光，阿蕭坦言要待農曆新年後拍畢劇集《黃金有罪》才有時間，至於聖誕節，兩人都要拍劇未必能見面，但他已想好聖誕禮物：「佢架車都舊，可能送車畀佢，但要先送個駕駛改進課程，等佢合格咗先送車。」翠如反擊指只會送車胎給他！

另外，稍後阿蕭會與秦煌、何廣沛一齊拍一場除衫戲，為此他特別喼弗：「最近十日都冇食晚飯，只係食兩隻蕉，依家有四小舊。（怕身材輸畀小鮮肉何廣沛？）我怕輸畀秦煌！」翠如又大爆對方每日都有傳相給她看減肥成績。