大仔馬桂烽創業薛芷倫全力支持
名人馬清偉與前妻薛芷倫所生的大仔馬桂烽（Justin）首次創業，昨日在港舉行香港首間全球共享移動電源初創公司ChargeSpot全球發布會，獲得爸爸馬清偉、媽媽薛芷倫、弟弟馬桂鏘（Terence）及妹妹馬桂珩（Tess）撐場。Justin被問到投資了多少？他說：「都唔少錢。呢個係全球跨國充電公司，世界各地都有借還點，做生意家人都有畀意見。」薛芷倫則表示心情興奮並為囝囝感到驕傲：「精神上同金錢上都支持，唔需要經濟上嘅回報，最緊要仔女都幫到人，對社會有貢獻。」
另外，剛在澳洲墨爾本行婚禮的黃心慧也有到場支持：「未正式簽字，出年一月尾會喺香港簽。（幾時生小朋友？）以前想生3個，依家年紀大，生到兩個已經好開心。」家姐黃心美則表示送了一隻手錶給妹妹做結婚禮物。問何時到她拉埋天窗？她說：「我連最後嘅步驟（離婚）都已經做咗，唔急。」
