韓國人氣女團TWICE今日推出新專輯《YES or YES》，她們前晚亮相JTBC節目《認識的哥哥》宣傳，互爆生活怪癖，日本成員Sana大爆Momo睡覺時會跳舞：「我醒咗發覺張床喺度搖，見到佢喺隔籬跟住鬧鐘嘅節奏跳緊舞。」多賢就爆彩瑛刷牙時發出怪聲：「我入到宿舍以為有阿叔入咗嚟，因為嚇親所以打開廁所門，發現彩瑛喺度嘔緊氣。」
台灣成員周子瑜就透露最近想考車牌，主持李秀根叫她即場模擬考「S形路試」，怎知一開始就被捉到冇戴安全帶，當主持叫她「換到P檔（停車檔）」，子瑜以為是「R檔（倒車檔）」而不斷倒後，令大家都擔心她能否順利考到車牌！