藝人「送水輝」許家傑昨日連踩兩場活動密密𢱑銀，先參加籃球比賽、再出席健康主題活動大騷拉丁舞技，他笑言想同「大小姐」林淑敏跳舞︰「佢身形高挑，其實好啱跳。」同時拍攝《愛˙回家之開心速遞》及《機場特警》的他，大呻冇覺好瞓︰「每日得5至6個鐘瞓覺，中間要抽兩個鐘Keep住操肌，唔想出鏡時失禮。」不過他自豪表示現時是人生最弗的時期：「有去搵專業教練調整姿勢，同埋原來唔係要戒澱粉質同飯，反而係要食，但就要校啱比例同進食時間。」
