阿感忙拆人情懶造人
藝人鄧穎芝（Vangie）孖「籃球界女神」方泳琳，昨日組隊參加《獅子會全港學生三人籃球賽2018》，受訪時Vangie宣布新歌要再延期推出︰「想拍埋MV先，今次自資出歌，加埋都用咗6位數，但係值得。」問到曾傳撻着張建聲兼旅行「洩蜜」的方泳琳，可有留意到對方與陳嘉莉疑似復合？她笑言有留意新聞，不過很久沒聯絡對方，故亦不太清楚。
同場還有新婚的黎國輝（阿感）與台灣老婆YoYo糖黐豆現身，阿感笑言前晚拆人情拆到攰，又自爆連續幾晚冇造人︰「朋友想我快啲生，一嚟想做BB嘅契爺、契媽，二嚟係知我有生B贊助，依家只係想快啲完成手頭上工作，快啲Plan蜜月之旅。」
