被譽為「靚絕五台山」的藍潔瑛，雖然近年被指言行異常，不過在以前的訪問中，她對人生、工作和愛情亦自有想法。她不信命運，堅持己見，以真誠的態度看待人生，感性的她，留下不少語句觸動人心。
1.「我以前屋企好窮，我諗住讀哲學，點知屋企人話冇錢畀我繼續讀，幾淒涼呀！我喊咗一餐又一餐！」
2.1992年自爆有相士批她前世為小仙女，享盡仙褔，今世是凡人，注定孤獨終老，就連動植物都無緣。「唔信會孤獨終老，信同唔信，都唔會影響我」、「十二條金魚一個月內死剩一條，同吳君如行花市買富貴菊，唔使幾日就生晒蟲。」
3.「我係好直，唔識應酬打交道，最怕虛偽，做呢行我當打份工，已經好攰，仲要花時間精神周旋喺打交道？我會攰死！」
4.「我唔介意人哋點睇我，我更加唔會踩人，我點解要逼自己做唔想做嘅嘢？我唔想失去真我，我過得好開心，唔鍾意同人解釋。」
5.「其實人生嘅嘢，到最後都係空嘅，搞咁多嘢做乜？」
6.「做好演員本分就夠，唔使將努力成日掛喺嘴邊畀人知。講出嚟，就係扮嘢。」
7.「每一次拍拖，我非常投入認真，結果每次都好傷。」
8.「我唔會同有婦之夫拍拖，點解要咁呢？點解要令人哋個老婆唔開心？」
9.「有好男人，必然有衰男人，睇你係咪好彩，睇人不可憑外表，男人女人一樣！」
10.「要享受愛情，要忠於自己，亦都要忠於對方。」
11.「以前不停工作唔知為乜，成日唔開心，狂買嘢嚟平衡自己。唔想再係咁，我唔想做一堆垃圾。」
12.「人好似浪咁，潮汐有漲有退，大陸嘅荒漠一片浩瀚，一個人嘅錢財又算得係乜？」
13.「我唔會逼人，亦唔需要人哋擺好多心血心思喺我度，否則係壓力。」