SM闖紅館：真係黐線o架！

成軍12年的樂隊Supper Moment（SM）前晚首次在紅館開騷，展開一連3場的《Supper Moment Live 2018》，獲黃耀明、JW與男友、吳業坤、盧巧音與老公Sammy、陳詠謙和ToNick等捧場。他們以《258km/h》掀開序幕，粉絲一聽到音樂即High爆企起身！主音Sunny不時跳跳紮，又行近觀眾，十分Hyper，期間更舉起Supper Moment旗幟。唱到《今夜酒氣吹過》時，Sunny Rap了段講述他們成軍12年的故事，全靠大家支持才能繼續下去，又多謝已故經理人Gary。
主音Sunny與觀眾近距離接觸，令氣氛亢奮。
主音Sunny與觀眾近距離接觸，令氣氛亢奮。

觀眾唔肯走

唱到《To Whom》，嘉賓日本樂隊Survive Said The Prophet出場合唱，後來Sunny落台與歌迷近距離接觸，期間他說：「我哋可以大聲講，我哋終於上到紅館啦，呢件事真係黐線o架！」尾聲時又說：「一直以嚟行到呢度都幾奇迹，奇迹在於愈嚟愈多好朋友加入呢個團隊，我哋樂隊最想做嘅嘢係用音樂提醒自己，畀啲愛呢個世界，每日『碌』電話都會睇到呢個城市、呢個世界啲人好Mean，點解唔試吓欣賞別人嘅美好？希望今日嚟嘅朋友可以帶住愛離開！」唱完原定最後一首歌《說再見了吧》，觀眾仍不肯離場，四子再出場唱《有你有我》，最後演唱會圓滿結束。

Supper Moment成員使出渾身解數。
  • Supper Moment成員使出渾身解數。
披着斗篷的Sunny揮動旗幟。
  • 披着斗篷的Sunny揮動旗幟。
日本樂隊Survive Said The Prophet與SM合唱。
  • 日本樂隊Survive Said The Prophet與SM合唱。