JW肥咗歌衫拉唔到鏈
歌手JW（王灝兒）昨日出席建造業議會主辦的「築月2018」開幕禮，她表示忙於準備11、12月分別在主題公園及澳門的演唱會。問到可收身成功？她笑言：「上次演唱會係1月嘅事，隔咗咁耐試番啲裙，9成都着到，但有一條好窄，條拉鏈上唔到去。（使唔使改闊條裙？）仲有時間（減肥）嘅，如果12月頭都上唔番去就要改。」
有傳JW將與男友Tarzan於明年10月結婚，對此她笑說：「真係假，我哋都覺得好好笑，唔知點解可以有咁確實嘅月份，最好笑係搵埋玄學家幫我批埋，話嗰個月份係萬勿錯過。（咁你唔可以錯過喎？）我哋想事業做好啲先，呢啲之後再諗。」