韓國天團Big Bang的30歲成員T.O.P去年6月被爆曾與女練習生韓瑞希，於前年10月四度在其寓所內吸食大麻，被判入獄10個月、緩刑兩年。他前日在社交網Instagram（ig）上載油畫照及美國畫家Mark Grothahn的自拍照，有人猜測他密謀復出，韓瑞希透過個人ig暗諷舊愛：「你咪諗住出番嚟，你唔係同身邊人話我收咗你錢咩？話我係貪錢嘅女人，唔好再周圍講我，係講就真係畀錢我先啦！」雖然沒有指名道姓，但網民都認為她的發文分明寸上載油畫照的T.O.P：「唔該做嘢配合番你嘅體形同年齡啦，唔好再扮藝術家啦，你係阿叔咋。」