拉蕭正楠上山黃翠如試做女強人
藝人黃翠如昨日與組合Shine、陳智燊、宅男女神倪晨曦出席品牌活動。翠如之前去芬蘭看不到極光，希望下年可以再去，問到是否想與男友蕭正楠一齊去？她直認想：「不過唔知佢得唔得閒，我哋去任何地方旅行，都係我計劃晒所有嘢，佢係個好叻嘅團友，所以我負責晒所有嘢，佢冇嘢做。（幫你出埋錢？）我哋經濟係分開。（咁你咪蝕？）呢個時代嘅女性要有能力照顧自己！（佢唔計劃行程，應該付出多啲？）可能機票佢畀，酒店我畀，其實都冇乜所謂。（已經撈亂使？）講真我用佢多啲，細數我畀，大數佢畀。」
黃又南「驚喜」生日
翠如亦希望再有機會上喜馬拉雅山，多年前她首次到當地好興奮：「好好奇跑嚟跑去，但好辛苦，我喺雪地坐咗喺度郁唔到，所以下次去動作要慢，同埋要學呼吸。（帶埋男友去？）一定要，啲人話平時好強壯嘅人上到去會渣啲，相信佢會渣過我，我想體驗吓係咪真。」
Shine的黃又南今天35歲生日，驚喜獲大會送上蛋糕，他表示會在工作中度過生日：「覺得生日嗰日做嘢，嚟緊嗰年都會有嘢做，願望係開心同身體健康。」今年在澳洲工作時為拍檔徐天佑驚喜慶生，未料又南敷面膜瞓着了，到12點助手來敲門，即刻衝去天佑房間，天佑說：「最好笑嗰時我哋着緊孖煙囪，拍完片事後睇番，我哋塊面腫晒，段片唔po得。」
