蘇麗珊Rock妹上身易忟憎
藝人張繼聰（阿聰）與蘇麗珊（Cecilia）在電影《八步半喜怒哀樂》中，分別以喜怒哀樂的主題單元各自出現，日前二人接受東網巨星節目主持人禮賢同學訪問時均表示電影包含喜劇和靈異元素非常有趣，談到戲中角色，Cecilia今次以新形象見人，飾演搖滾樂隊主音：「成個造型都好Rock ，同以前個感覺好唔同，相信畀到觀眾睇到我好爆嘅一面。」而阿聰指其角色相當搞笑，屬於喜的部分：「戲中講我去到山窮水盡嘅地步，就諗住搞場婚宴，呃鄉親父老嘅人情，係一個好含蓄嘅喜劇。」
為食妹最幸福
談到二人生活中的喜怒哀樂，Cecilia指令她最「怒」的是香港太多人：「加上天氣又熱，自己會好容易忟同急，好想行快啲，但又行快唔到，令我好嬲。」不過最令她開心的則是吃東西，亦認為是世界上最幸福的事。
激增40磅冇衫着
阿聰則表示每件事情亦可包含四個情緒：「好似着衫，之前為咗一個工作增磅40磅，覺得自己完成目標當然係喜，但之後身形去到一個階段着唔番以前啲衫，就有少少怒同哀，依家適應咗就係樂。」
https://bit.ly/2Jh7VVP