葉翠翠爆大仔好黐身

藝人葉翠翠昨日為ViuTV節目任嘉賓，講到家中分別1歲半及4個月大的兒子，她笑言來學習其他湊小朋友的方法。問到大仔可有呷細佬醋？翠翠說：「又冇喎！仲會攞毛巾幫細佬抹面，又會分享玩具，都好錫佢。」但有時大仔十分黐身：「佢會要我坐喺側邊陪佢，唔係要同佢玩，只係要坐側邊！有時我喺房休息都要捉我出廳先得。」問到可會再追小公主？她即耍手擰頭說：「唔好啦！懷孕過程都辛苦，要網上分享每個階段都係一種壓力，產後瘦身又要唔肥！老公都有講過唔好咁辛苦去做分享，但真係好多孕婦每日都睇我上載嘅嘢，好多新手媽媽好多嘢唔識，我佗第一胎時都好多時問人，到我有經驗都想幫到人。」