恆仔@ToNick嗌交搵靈感
繼大熱歌曲《長相廝守》後，樂隊ToNick再與導演甄柏榮合作，為電影《女皇撞到正》創作主題曲《你好》。甄柏榮大爆二人的合作方式是當街鬧交鬧到天光，主音恆仔起初笑言拗「邊個找數」，事實是關於創作理念和處事方法。
甄柏榮認為集體創作最怕沒話題，因此每次都拗得興起：「冇得收科！鬧到天光咪返屋企囉，WhatsApp再拗過！我試過唔記得同佢拗乜，但好記得嗰種情緒。」更透露兩人拗婚姻問題，從而構思了新故事：「我結婚前同佢企同一立場，跟住我變咗，用咗新方法理解呢件事，咪拗囉！鬧交幾好，鬧多啲！」