瑪姬睇血腥宰牛冇有怕
前DJ瑪姬早前與數位朋友到日本宮崎旅行，此行主力食牛，食足四日，期間因有朋友認識櫻花牛牧場的主人，故食牛食到參觀牧場和屠房！她說：「我哋去到牧場，睇到啲牛牛由BB到成牛，真係好得意，牧場主人見我哋咁有興趣，話可以帶埋我哋入屠房，一日之內走訪兩間屠房加工廠參觀，睇晒成個過程，真係難得，佢哋話從來唔會帶一般人睇佢哋嘅秘密生產線。」
不過，她指同行的兩位男友人怕血腥，在屠房外不敢內進，瑪姬即時大女人上身：「我不嬲好大膽，山長水遠嚟到一定睇，我一啲都唔驚，覺得學到新嘢，其實日本嘅屠房好乾淨，唔係想像咁恐怖，啲男仔真係冇鬼用。」
