楊曉穎衝出香港瘦「模」可瘦

名模陳嘉容師妹楊曉穎（Sharon）最近衝出香港，到米蘭發展模特兒事業，她說：「其實我一直都想去外國做嘢，計劃咗好耐，先去歐洲，明年初會去英國，之後再去美國。」透露當地對模特兒體重及三圍要求都非常嚴格，她比以往消瘦不少：「我出發前一個月已經好積極減肥，跟營養師餐單食飯，又日日健身。嚟到我都盡量食得清淡啲，加上模特兒公司畀嘅零用錢唔多，所以我日日都係去超巿買沙律同生果食。」Sharon到米蘭兩星期，已經十分適應當地生活。