麥皓兒揮刀自鎅堅係傷

無綫台慶劇《跳躍生命線》，劇中不同小人物的小故事皆引起觀眾討論，其中藝人麥皓兒（Joey）飾演因擔心老公有外遇而企圖自殺的傷者，其爆喊演出感動不少網民！對於獲讚演技出色，她坦言非常驚喜：「其實我喺入面得好少場口，完全冇諗過會有咁多人留意，真係好開心！有啲粉絲仲講笑話我再努力啲就可以做視后！」雖然角色篇幅少，但她亦全情投入「瞓身」演出：「劇中講我手臂流血，雖然有特技化妝，但為咗逼真，我真係將手臂用刀鎅傷咗少少！我由頭喊到落尾喊足幾個鐘，中間仲要掟石油氣罐落街，所以都幾辛苦、幾大挑戰，但出到嚟效果咁好，都係值得嘅！」