張嘉兒有咗3個月嘔到癲
已育有一女的前港姐冠軍張嘉兒，昨日宣布有三個月身孕，今胎「害喜」情況比上一次嚴重，常出現作悶和嘔吐，惟她認為這是上天賜予的禮物，十分感恩，再辛苦也值得！
現年34歲的張嘉兒，2015年下嫁金融才俊Nathan，翌年在港誕下女兒Leora，一家三口相當幸福。昨日，她在社交網宣布再度有喜：「踏入11月啦，呢個月份亦係我嘅生日月份，好想同大家分享一個喜訊，就係我再一次懷孕喇！」
長喜99
她指今次佗得較辛苦，經常嘔吐而且很攰：「真係每日淨係想黐住張床，不過唔可以，我仲要照顧個女。作吐作悶嘅次數亦多咗，聞到有油煙味都會感到不適。」不過，她感激上天送她這份生日大禮，認為再辛苦也值得，「有人話養兒100歲長憂99歲，計我話係長喜99至真。」她又上載了一段短片，見到她問囡囡Leora：「媽咪個肚有乜？」Leora答：「有BB。」更錫了媽咪一啖，十分溫馨。
爸爸恨抱男孫
之後嘉兒出席無綫「十一月星辰」活動時，透露已有三個月身孕，一直與老公計劃再生，自己亦希望35歲前再做媽媽：「暫時未知係仔定女，下次做產檢應該會知道，其實冇所謂，因為我係四姊妹，反而爸爸想我生仔。」問到將來有兩個小朋友會否考慮做少奶奶？她笑說：「唔知，依家湊一個已經冇乜時間，有第二個都唔知會點。自己都享受做媽媽，但亦希望做嘢，希望兩方面取得平衡。」