舊愛結婚了鄧洢玲：冇請我飲！

藝人鄧洢玲（阿旦）前晚出席喪屍片首映，講到前男友黎國輝（阿感）昨晚補擺酒可有被邀請？她笑說：「估到你哋會問！佢冇請我，我喺社交平台見到，朋友間都有講起，都戥佢開心，但真係冇嘢啦！（幾時輪到你？）我都想！搵個男友先，但我已經唔急，可能過咗恨嫁。以前掛住拍拖，但依家想做嘢，等我間舖頭開咗分店再算啦。」講到萬聖節悉心打扮，她表示最激試過扮到爛身爛勢、很多血的造型。同場的郭奕芯表示很喜歡睇喪屍片，又透露最近客串賀歲片，飾演比較蠢的角色，笑言似足自己。