阿感怕「機器壞」趕兩年抱兩

黎國輝（阿感）與台灣舞蹈員太太連佳優（YoYo）兩年前已註冊，昨晚補擺婚宴筵開21席，兄弟姊妹團包括翟威廉、劉佩玥、周志文、周志康與羅天宇等，鍾欣潼與老公賴弘國、蔡卓妍（阿Sa）、范振鋒、湯洛雯與劉穎鏇等赴宴，湯洛雯更接到花球！新娘子受訪時表示因早前忙於為張惠妹的巡唱擔任舞蹈員，故至今才補擺酒，阿感指籌備初期大部分由他處理：「之後佢就好似老闆娘咁呢度改、嗰度改。」

忍淚講愛的宣言

說到接新娘，YoYo指奶奶講話與見到阿感家姐落淚時都大受感動，但一直忍住眼淚，阿感則說：「家姐好錫我哋！最初接新娘時係咁玩，講愛的宣言時就好感動，但我係男仔唔可以喊！」問到何時生BB，他說：「照番我哋傳統，兩年一次喜事嘛！太太又要調理身體，不過都老，再唔生就生唔到！最好一次過生兩個，如果一個我就揀生女。」

周志文與劉佩玥做兄弟姊妹團，順便拍拖？	幾時輪到佢結？阿Sa話時機未到。	接新娘接到要用絲襪笠頭，重口味！

鍾欣潼（阿嬌）透露阿感於羅志祥香港演唱會上求婚時有幫過手，提到將於12月18日在港註冊、20日擺婚宴，她表示仍有很多東西未搞：「婚紗、回禮都未搞，努力中！（婚禮老公係咪聽晒你話？）係啊！上次美國Party人少少，大家都有意見不合，今次就冇。」阿Sa則表示未入行已認識阿感，讚對方是好男仔，問何時到她結婚，她笑言屆時才揭盅：「總之依家兩個人開心！（下年？）吓！咁突然？（等男友提出？）呢啲時機到就到，依家未到！」

另外，一對新人昨晨依足傳統接新娘，眾兄弟與阿感齊齊用絲襪笠頭及鬥快除Bra等，夠晒「重口味」！當講完「愛的宣言」，兩人咀到拗晒腰，阿感跪地獻花時又緊張到手震。