林夏薇被金豬讓梨感動
藝人林夏薇帶同8歲的秋田犬「金豬」及3歲哥基「金叵羅」亮相東網巨星節目《巨星Pet Pet》，兩狗體形有明顯差距，但卻相處融洽，林夏薇說：「我哋屋企有個金豬讓梨嘅故事，『金豬』好鍾意食蘋果同梨，好快就會食晒，但有次佢竟然唔食，留番畀『金叵羅』食，十足十阿媽咁照顧佢。」
「金豬」無微不至的照料，「金叵羅」亦孝心回報，令夏薇大感窩心：「『金豬』好驚水，沖涼時會向『金叵羅』求助，『金叵羅』會衝過嚟搵我或者我先生，叫我哋過去救『金豬』，有次『金豬』驚到喊，『金叵羅』仲攬住佢，用手摸佢個頭安慰佢，好Sweet！」想知兩隻狗狗其他貼心互動？大家可在東網App及東網網頁隨時隨地收看及重溫《巨星Pet Pet》。
https://bit.ly/2P0bCW4
