電視劇《大時代》多年來被奉為神劇，「四蟹」的演出更加令人難忘，該劇至今已26年，近日四兄弟難得聚頭，「孝蟹」邵仲衡、「益蟹」陶大宇、「旺蟹」吳啟明及「利蟹」郭政鴻相約到啟明經營的餐廳飯敍，但「丁蟹」鄭少秋（秋官）未有同行。戴上廚師帽及圍裙的啟明親自下廚炮製魚翅及鮑魚招呼好兄弟，各人還手拿紅酒合照。
將合照片上載到社交網的邵仲衡，昨受訪直言飯局相當開心：「咁多年冇四個聚埋一齊，今次終於聚到，感覺非常好，傾得好開心！（邊個發起飯局？）一直都有好多人想我哋四個走返埋一齊，但之前啟明唔係好想，直至一個月前，佢透過郭政鴻聯絡我哋，叫我哋去佢試業緊嘅餐廳食飯，尋晚終於約齊，除咗敍舊，我哋之後都會有合作大計，到時再同大家講。（點解唔約埋秋官？）之後會約埋佢㗎啦！」