Rosemary坐月連環犯禁倒E奶濕平
上月誕下囝囝Hendrix的中法名模Rosemary，恃住身體健壯，懶理要坐月的傳統習俗，產後兩星期已復工教授瑜伽，又不避忌照吹風，依舊着背心、赤腳通屋走，連奶奶都忍不住開口訓話。Rosemary日前着上低胸背心短裙行街，大騷澎湃E奶，狂掃萬聖節飾品。
Rosemary於2015年下嫁中印混血兒Jason，今年9月誕下兒子，母子同月同日生，雙喜臨門。產後不足一個月，她已急開課教授瑜伽，早前到和記大廈的瑜伽中心上堂，本應坐月的她一反傳統，懶理傳統禁忌不能吹風，肆無忌憚穿得非常單薄外出，更赤腳步入課室教授瑜伽。落堂後，已火速收身的她換上藍色低胸連衣短裙，四肢十分纖瘦，仍餵緊人奶的她更上圍逼爆，十分有睇頭。
奉命買萬聖節飾物
離開瑜伽中心後，她到附近商場逛嬰兒用品店，為兒子購入玩具及書本，見她在店內不停搜羅，更不時俯身「倒奶」揀幼兒書，之後見到萬聖節擺設及服飾，隨即向售貨員查問南瓜衫的最細尺碼，明顯想為囝囝第一個萬聖節作最可愛的打扮，可惜沒有初生嬰兒的尺碼，惟有轉攻飾物，最後掃了不少心頭好。
其後，Rosemary受訪表示老公出差之前已叮囑她買萬聖節裝飾，問到是否沒有坐月？她坦言產後兩星期已復工，揚言思想洋化，不着重坐月這傳統習俗，更不認為復工對身體有太大問題：「因為我係自然生產，身體復原得快啲。我見咗醫生先開工，佢同我講應該冇問題，只係話：『如果你教瑜伽嘅話，唔好做咁大動作。』」不過現階段每星期只授課6小時，因不想離開兒子太耐。
塞乳腺發燒兩日
問到老公是否批准她極速復工？她尷尬笑說：「其實生完一星期就諗住開始教，老公唔畀，叫我多啲休息，但好好彩佢唔畀，因為之後我谷奶，我唔知餵BB時佢飲飲吓瞓着咗，冇飲晒，搞到乳腺塞咗，谷到好痛，發咗兩日燒，我仲擔心係咪患乳癌，睇醫生先知係正常。」
她又大爆奶奶不滿她衣衫單薄：「Jason屋企人好傳統，佢媽咪同佢講『話畀佢（Rosemary）聽要着多啲衫呀！唔好喺屋企唔着鞋呀！叫佢要照顧好自己』，但我覺得每個人嘅狀態都唔同，出嚟教瑜伽一來係我好想運動，另外屋企依家好多人，有奶奶、陪月同工人，我唔係好習慣。」