熊黛林急為半歲孖女報學校

王君馨（Grace）雖已榮升人妻，但依然毫不吝嗇大晒身材，前晚透出立體33D上圍，噴血指數爆燈！恰巧其主演的劇集《是咁的，法官閣下》前晚首播，莫非Grace想以性感打扮作另類宣傳？

相比之下，熊黛林（Lynn）衣着則保守得多，但有女萬事足的她大談孖女趣事：「佢哋每日都有唔同嘅事發生，今日會叫爸爸、媽媽，又會講BB話，好得意。佢哋成日傾偈，可能兩個互相練習，講得快啲。」又指兩姊妹性格截然不同，家姐較淡定，妹妹就較為嗲人。

尷尬口窒：冇諗咁遠

問到是否已幫孖女留意學校？Lynn坦言：「睇緊，原來已經遲咗好多，佗住嘅時候就要睇定。」至於會否怕與舊愛郭富城的囡囡報讀同一間學校？Lynn尷尬地笑一笑，口窒窒說：「我冇諗到咁遠，我唔知喎，唔知有咩學校。」又笑言會以國際學校為首選，因不想女兒太辛苦：「我壓力仲大過BB，買衫都要買兩套，壓力係雙倍，好恐怖。」

Lynn指孖女性格大不同，經常用BB話溝通。	王君馨透視裝上陣，大晒33D南北半球。	周秀娜自爆對拍檔張繼聰嗒糖。

周秀娜高弓足拐拐吓

同場的藝人周秀娜（Chrissie）走路時一拐一拐，她解釋天生有高弓足，加上長時間穿高跟鞋、拍動作片，令腳板和腳趾都很痛。即將放假的Chrissie坦言想去旅行，但不會趁機識男友，又大讚電影拍檔張繼聰是她杯茶：「謝安琪好幸福！唔知點解同我合作嘅對手都有另一半，佢哋嘅老婆同女友都對我好放心，我真係要檢討吓。」

許志安透露明年紅館開騷。

溫碧霞以Deep V長裙性感示人。

此外，歌手許志安宣布入紙紅館成功：「出年先開，對上一次喺紅館開已經係2015年，今次係相隔4年再開，我聽到呢個消息都好開心，申請咗兩次先成功，希望可以做好啲。」