陳貝兒多艷遇「聯合國」乜都有！
藝人陳貝兒昨日出席活動，講到主持節目《嫁到這世界邊端2》剛播畢，她回想起拍攝時的艱辛事：「拍攝小隊要喺60日內走勻七個國家，適應時差嘅同時又要適應溫差，自己身體狀況又唔好。」但開心指所有反應都是預期之內，自言都想再「添食」，要看公司安排。
貝兒又表示收到很多男觀眾私訊，例如一位50歲男士指睇完節目會更加錫老婆，她還自爆拍攝時認識了幾位外籍人士，現時仍有繼續聯絡：「有人問我有冇艷遇？係有遇，但冇時間『驗』，大家都係Keep in touch啦！（咩國籍？）咩地方都有！『聯合國』咁，但大家都係朋友。（抗拒同外籍人士發展？）首選梗係香港男仔，唔使距離咁遠。」