農夫拒騷肌怕紅顏恥笑
藝人鄭裕玲（嘟嘟）孖組合農夫的陸永及C君，昨日出席手機活動，三人受訪時不停互窒！問到今次是否帶挈農夫齊齊搵錢？她笑說：「千祈唔好咁講，我哋合體啫！都好耐冇一齊做嘢。」C君即大膽呻：「咁你真係冇好帶挈喎！淨係自己去搵錢。」
問到下星期開騷的農夫可會邀請嘟嘟做嘉賓？二人打趣話不會：「叫佢嚟睇都話要考慮！」講到早前曾出Post「暗示」邀請黃子華做嘉賓，就連嘟嘟都投訴兩人出口術，他們解釋是誤會：「係請佢嚟睇啫！睇佢嚟睇都已經好睇！依家就綵排緊個騷，但所謂操肌、練大隻嗰啲，就全部都冇做！」嘟嘟則笑言若二人肯剝衫都會去撐場，陸永爆笑話：「為博紅顏一笑，係畀佢恥笑！」