嫌Steven難頂Kenny完騷即潛
男子組合BOYZ成員關智斌（Kenny）、張致恒（Steven）與英皇集團主席楊受成，前晚出席電影《潛艦滅殺令》首映禮。Steven透露早前拍攝以海上救援為題材的內地劇，特別受訓一個月，包括從直升機垂吊等訓練，感覺既恐怖又辛苦，幸最終都完成考驗！
兩人早前表示有意殺入紅館開騷，問到進展如何？Kenny笑言要追問老闆楊受成：「但係要抖抖先，長期對住Steven都幾辛苦，完騷後都已經冇乜聯絡！」Steven聞言即「反擊」，指收到對方電話要求教他煮餸：「自從我哋復合，我工作都多，所以真係幫佢唔到。」Kenny表示演唱會後得知有粉絲在網上買票被呃錢，有請同事聯絡苦主希望提供協助，至於會否再開一場滿足粉絲？他表示已沒有場地。
冇咗軒仔唔掂
提到張敬軒受訪時表示若BOYZ在紅館開騷一定會幫手，Kenny直言沒有對方不成事，至於被軒仔指是很重要的人，他表示大家是多年老友，Steven則笑指軒仔也有跟他說相同的話：「有幾晚同佢傾電話，我個性好自卑，佢就不停鼓勵我。」