胡定欣翁虹「恨」師徒再合璧

胡定欣讚多年沒見依然美貌如昔，氹得翁虹勁開心！

藝人翁虹前晚於尖沙咀設宴四席慶祝50歲生日，獲多位好友撐場，包括「徒弟」胡定欣、唐文龍、唐貝詩姊妹及鄧英敏等。翁虹表示原定上月開P，惟「山竹」襲港，故順延至前晚慶祝，能與多位好友聚首非常感動：「有同佢哋講唔好送禮物，轉為捐錢去關注自閉症兒童嘅慈善團體，咁樣我仲開心。」

翁虹與定欣「兩師徒」結緣於2003年拍攝劇集《大唐雙龍傳》，亦是定欣首部古裝戲，翁虹笑說：「當時知佢係封面女郎冠軍，合作完同佢講第時紅咗唔好唔記得師傅！」又指已有一段長時間「失聯」，定欣透露直到較早前在瑞士拍攝旅遊特輯，收到好友楊怡短訊：「佢話『師傅搵你呀』，之後就聯絡番。」

送香檳賀壽

定欣不忘讚師傅多年沒見依然容光煥發：「好記得我哋第一日開工喺杭州，時間真係過得好快。（送咗咩禮物？）佢講到明唔好送嘢，但咁耐冇見又冇理由兩手空空嚟，就買咗支香檳同佢慶祝。」問到可會想再合作？兩人聞言即指當然想再續師徒之緣，若然遇上適當劇本，翁虹希望可回港接拍，坦言父母年邁，都想多點返港陪伴。

翁虹與唐文龍等好友敍舊玩番晚。

翁虹與胡定欣希望再合演師徒。