楊明黃子恆鬥肌唔輸得

無綫劇集《機場特警》拍攝得如火如荼，一眾型男特警楊明、黃子恆、黎振燁、吳家樂、何啟南、張振朗等，在劇中要經常赤膊拍攝群雄沖涼戲及操練的場口，日前眾人更晒肌拍攝群跑戲份，甚有睇頭！

着起制服有型有款

為了拍得更逼真，以及應付多場機場客運大樓案件及槍戰戲，楊明表示開拍前曾與前機場特警相處：「開劇前同監製跟過佢哋on duty嘅情況，佢哋每日都要操最少一小時，又會跑山。」楊明直認拍此劇辛苦：「日日都要操，食嗰方面係食蛋白、雞胸，走油、鹽、糖，我哋着起套制服又要有型有款，好嚴謹。」

楊明都好「科」，渾身肌肉。

張振朗、蔡思貝操到「行」晒。

黃子恆不諱言多年來未正式接觸過健身：「呢套劇喺操練方面最辛苦，就算唔使除衫，要着起套制服有台型，絕對唔容易。」問到是否個個都唔輸得？他笑言：「係唔輸得，裏面有健身教練、又有好多香港先生，惟有盡力去做。」

戒消夜食健康餐

至於何啟南笑言自己年紀不輕，體能不及一眾後生仔，故操起來較辛苦：「盡量抽時間加操，食嗰方面都要睇住嚟食，唔係操咗等於冇，要好清，減鹽、糖、油，個個都咁食，消夜唔食，有啲仲帶飯，食健康餐。」