袁偉豪奇怪冇得雙提名 譚俊彥拉票一舊雲

袁偉豪亦隨隊出發到星馬拉票，他憑《棟仁的時光》入圍，將力敵《再創世紀》的郭晉安、《兄弟》王浩信、《天命》陳展鵬，對於未能憑《三個女人一個「因」》入圍，袁偉豪直認感可惜：「其實我有啲奇怪呢套劇冇提名視帝，我覺得兩劇都可以被提名，因為兩個演出都唔同，《三個》色彩多啲、搞笑同幽默啲又辛苦啲，但就以女性為主導，《棟仁》就淡然啲，睇吓觀眾鍾意咩劇種。（睇好自己攞獎？）有份角逐都希望有收穫，邊度嘅獎都一樣，三個地方即係有三分一機會攞。」他還揚言今次到星馬最想幫拍檔黃智雯拉票，因為當日她拍得很辛苦，睇好對方奪視后。