陳煒豪語擸晒三地視后 黃智雯截擊搶票

無綫年底頒獎禮每年都競爭激烈，雖然今年取消在馬來西亞及新加坡舉行《TVB馬來西亞星光薈萃頒獎禮》及《星和無綫電視大獎》，但投票仍會繼續，昨日有份候選的演員陳煒、Mandy、李施嬅、袁偉豪、譚俊彥及黎諾懿清晨便出發往星馬拉票。

今年角逐星馬兩地視后的名單旗鼓相當，包括《宮心計2深宮計》的陳煒與胡定欣、《BB來了》的李佳芯及《三》劇的Mandy等，當中於《三》劇一人分飾三角而贏盡口碑與收視的Mandy，獲兩地觀眾熱捧，演技亦備受讚賞，大有機會問鼎視后。昨晨七時許，她於香港機場出發，獲十多名粉絲送機，人氣先贏一仗。她接受訪問時表示對攞獎有一定信心，又指知道劇集在星馬反應好，自己亦預備了歌舞表演來答謝觀眾，準備充足。而同劇拍檔袁偉豪亦揚言支持她攞獎，她笑說：「佢唔撐我撐邊個。」又稱會揀對方做視帝，大讚其演技脫胎換骨。

一票都不能少

強敵當前，被視為台慶視后大熱之一的陳煒，當然不能掉以輕心，雖然今日在港有工作，但她為了到新加坡拉票不惜「密密飛」，今日返港工作後，翌日會再出發到馬來西亞拉票，無懼舟車勞頓，誓要「一票都不能少」，目標指向三地視后。昨日問到攞獎信心時，她亦說：「信心要畀自己，自己付出好多，拍呢套劇好辛苦，有觀眾鍾意好開心，年底個成績表就出嚟，我會努力啲、宣傳多啲。（網民支持你攞視后？）向來都有粉絲支持，出街聽到佢哋話支持我，好開心。我好少去星馬宣傳，好多粉絲有問我幾時去，今次終於去，套劇喺當地好多人支持，因為古裝劇比較少。（最想攞香港、馬來西亞定係新加坡視后？）攞晒！講笑，有就好開心。」

甫到埗，黃智雯即打扮靚靚現身拉票活動。	三位靚女李施嬅、黃智雯及陳煒晨早出發，不約而同戴黑超現身。	黃智雯有十多位粉絲送機，人氣贏晒！

支持頒獎禮新安排

向三地視后目標進發的陳煒，對於今年取消在星馬舉辦頒獎禮，她表示無損獎項的認受性：「只係少咗個製作同少咗個騷，但都係觀眾投票。而且去咁多地方出席頒獎禮都好頻撲，所以會支持公司決定。」至於Mandy亦表認同，她指今次星馬的粉絲仍然可以投票，參與度很高，而李施嬅則說：「喺當地頒獎，可以感受當地觀眾熱情，但喺香港搞都有好處，以往開劇而出席唔到嘅同事，今次可以參與。」

另外，與陳煒於《宮》劇鬥餐死的馬浚偉，對她爭視后亦大表支持，而同樣憑此劇被視為台慶視帝大熱的他，對於被睇高一線時笑說：「好多謝大家，咁我當係生日禮物，當攞咗先！」又指於監製梅小青領導下，大家都做得好好、好拚搏。