日前英國黑池有一名男子於超級市場偷啤酒後成功逃脫，警方於社交網公開閉路電視拍到的疑犯容貌，呼籲網民提供資料。大批網民留言笑指啤酒賊似足美國劇集《老友記》（Friends）男星大衞舒溫馬（David Schwimmer），就連警方都話似！
大衞得知被「通緝」後，前日於社交網上載一段模仿疑犯抬住啤酒的短片，實行「案件重演」並留言：「探員，我發誓唔係我。你見到啦，我喺紐約。致勤力嘅黑池警員，祝你哋調查順利。」