黃翠如未有「嫁」期跳Step諗生B

藝人黃翠如昨日出席太陽眼鏡活動，講到37歲牛一獲不少好友送蛋糕，問到男友蕭正楠可有趁機求婚？她怕醜地說：「冇呀！有嘅話都公布。（計劃過？）又嚟？我哋有我哋嘅節奏！」又冧爆表示收到男友送的小飾物，但否認是戒指。提到日前直播飲滴雞精嚇親媽媽，她解畫指因想調理身體：「一直拍戲搞到氣管好虛，飲咗身體係好咗，如果想生小朋友嘅女仔都好應該飲吓。（你想生？）唔關事，係近排病得好犀利。（咁幾時生？）咁快跳Step？但都可以諗吓！」