囡囡淨係嗌爸爸李漫芬：激死我
藝人李漫芬（Fanny）與老公Alvin婚後育有一女談在心，轉眼在心已經六個半月大，愈大愈似爸爸。Fanny指囡囡現時只懂叫「爸爸」：「佢成日嗌爸爸，唔識叫媽媽，乜都爸爸，教極都唔嗌媽媽，激死我！」
當Alvin幫在心拍照時，在心會嘟起小嘴作狀錫爸爸，面對這位前世小情人，Alvin自然冧到爆。有女萬事足的Fanny笑言囡囡拍照時懂得擺甫士：「試過叫佢影相，佢就扭Pat Pat擺甫士。」果然遺傳了媽媽的演藝天分！另外，她有份客串最近熱播劇《跳躍生命線》，飾演張彥博的家姐，她坦言熱愛演戲，希望可以挑戰更多角色。