瞞江若琳搞搞震蕭潤邦心虛
歌手江若琳（Elanne）將於12月23日與蕭潤邦（Oscar）共諧連理，Oscar揀選過大禮喜餅當日為未婚妻製造小驚喜，特意提早到餅店工作坊，跟師傅學整10個心形老婆餅，寓意對方是個十全十美的好老婆：「佢成日話我係一個冇驚喜嘅人，所以我夾埋大家製造今次驚喜。佢不停問我做咩咁早出門口，我堅定又帶啲心虛咁話去開會，好彩冇露出馬腳。」
Elanne收到心意後非常感動，感謝未婚夫的精心安排：「佢次次想畀驚喜我都失敗，忍唔住漏口風，估唔到今次咁成功。」揀好禮餅後，二人急不及待回家為派喜帖及禮餅作準備。