蔣家旻地獄扒餐一鑊熟

蔣家旻（右）與胡美貽廚藝麻麻，晒玉腿轉移視線。

藝人Maria Cordero（肥媽）、陸浩明（6號）、蔣家旻、胡美貽、衛志豪與區永權，昨日到荃灣出席煮食節目《肥媽優質食好D》宣傳活動，現場逼滿肥媽的粉絲，非常熱鬧。當中蔣家旻、胡美貽與衛志豪即場挑戰煮扒餐，聲稱有12年下廚經驗的美貽，將牛扒煮到血淋淋；而蔣家旻則手忙腳亂，將食材放到鍋中「一鑊熟」，相當搞笑，幸得肥媽及時伸出援手，作品尚算「出得廳堂」。

笑6號負責食

肥媽數數手指表示，已為TVB拍了九輯節目，今集會搜羅各地優質食材，笑言帶大家「食好西」。提到6號拍了八輯仍不懂下廚，問肥媽會否失望？她維護說：「每個人都總會有啲天賦，佢嘅天賦唔喺呢度。咁有人煮總要有人負責食，呢個係我哋嘅合作方式。」提到上集《食好D 食平D》大獲好評，肥媽更被big big shop視為「生招牌」，播出不久便再添食，問到公司可有其他獎勵？她說：「觀眾支持已經好開心，今次唔使我諗點樣令道菜易煮，又唔使掃街市，搞到呢條友要幫手抹汗，已經係好大獎勵！」6號則指今集能以「特別版」在台慶月亮相，已覺得受到重視，希望節目能繼續添食。

蔣家旻煮到雞手鴨腳，連肥媽都睇唔過眼。

胡美貽有肥媽餵，認真得寵。