趙哲妤溫馨放閃得意囡囡笑唔停

單親媽媽Uny獨立自強，努力工作賺錢外，其餘時間都會陪伴女兒小魚，剛於本月21日度過生日的她，當日跟媽咪及小魚一同到主題公園玩，還特意跟小魚穿上母女裝，非常可愛！她說：「我係生日正日去，特登想孝順埋媽咪，所以當日係陪媽媽、囡囡過親子日。」她還帶同未滿兩歲的小魚進入親子鬼屋，豈料囡囡表現大膽：「小魚嗰日好興奮，為咗畀佢初嘗鬼屋滋味，我哋全家排咗45分鐘隊先入得去玩o架，不過佢一啲都唔驚，應該係鬼屋比較得意，佢仲不停笑，咩都想摸！」

大叫嚇親人

相反Uny就細膽得多，日前獨自跟一班朋友到荃灣喪屍館挑戰膽量：「喪屍館同主題公園各有各好玩，喪屍館就係同朋友去，貪佢夠驚，有Halloween感覺，因為我睇咗《血祭哈囉喂》套戲，喺入面每個轉角同見到每個鬼怪都令我好驚！嗰度好黑，好逼真，地方夠晒大。」她自言嚇破膽，幸有朋友保護：「男女朋友都有幫手保護我，不過佢哋畀我嘅大叫聲嚇親。」

最令她意想不到的是，竟在鬼屋認識一位男士：「唔係因為佢保護我，而係因為佢同我都好細膽、好驚，大家都唔肯行前面，要縮到最後，結果認識咗對方，好搞笑。」更坦言有跟對方互相關注社交網。

趙哲妤約埋好友挑戰喪屍館。	趙哲妤帶埋媽媽及囡囡開心遊樂園。	細膽的趙哲妤全程不停大叫。

兼顧三個責任

此外，Uny還大談分配時間的心得：「我follow咗一個教人點分配時間嘅社交網，按事情嘅重要及急切性去處理事情，所以成功兼顧好做媽媽、藝人同Full Time學生讀書呢三個責任，仲有時間去喪屍館，哈哈！」