歐鎧淳自爆弱點靠腦力克服
「女飛魚」歐鎧淳遇上前女騎師江碧蕙惺惺相惜，日前跟對方首次接觸策騎，認為策騎跟游水一樣都要分秒必爭及把握時機！
現年26歲的歐鎧淳（Stephanie）在泳壇屢創佳績，原來未試過在綠茵場上策騎，日前終於得償所願，還獲香港首位華人女騎師江碧蕙（Sherie）身兼教練，指首要挑戰是離心力，但對慣常「離地」的Stephanie來說可謂駕輕就熟，更一騎上癮嗌唔夠喉：「好好玩！Sherie係好好嘅老師，佢會講晒畀我知嚟緊會發生嘅事，準備好心情先會開始，成件事就冇咁難。」Sherie則讚對方可能是運動員關係，容易掌握平衡點，懂得怎樣控制。
明白付出不求回報
一個是泳手，一個是騎師，兩人卻異口同聲表示把握「時機」才是最重要，Sherie說：「我哋出閘嗰一刻同佢哋跳落水嗰下，要Get Ready個Timing係非常重要，好似我試過即使準備好晒，但出閘時隻馬唔肯出，咁就Miss咗個時機。」又明白付出並不一定有回報，嘗過輸贏才能推動進步，Stephanie指最深刻的經歷是2012年倫敦奧運，因緊張而影響表現：「每次要面對大型比賽，我都會好緊張，好似嗰屆奧運對自己期望好高，但最終游出嚟嘅成績好差，我知道需要克服呢樣嘢，如果克服唔到，就算再努力都衝破唔到，所以我會喺比賽一、兩個月前去想像成個畫面，喺個腦諗晒每一部分，咁去到比賽當日就唔會再驚，因為已經諗咗成千次！」
賽馬盛事「莎莎婦女銀袋日」將於11月4日舉行，Sherie指正是23年前取得首場勝利的日子：「每年呢個日子都係我嘅回憶，好似一去到個感覺大家都同我一齊慶祝，因為有意義所以就更加重要。」
場地：國際騎術中心