李美琪懵豬樣被搞大個肚？

藝人李美琪前晚在鑽石山出席電影《屍殺片場》首映，偕男友人睇戲的她強調並非男友，但避談有否拍拖：「可以話有，可以話冇，我想專注工作先。最近工作忙，啱啱喺內地拍完網劇《我的浪漫老千時代》，係喜劇嚟，做個傻更更角色，畀人搞大個肚，可能我個樣易呃，好多人搵我做呢啲角色。」
李美琪懶神秘，避談有冇拍拖。
李美琪懶神秘，避談有冇拍拖。

同場的林泳淘則透露近期忙於主持《東張西望》，年底又會接宴會司儀工作搵真銀：「你知我哋做藝人幾窮，呢啲係主要收入，要儲錢買樓。」最近有推測香港樓市最恐怖可能跌七成，她說：「如果係梗係開心！（到時仲敢買？）如果儲夠錢『上車』點都會買，近年大咗會想有自己嘅屋，我鍾意村屋，有冇可能跌到二、三百萬呢？」

林泳淘心儀村屋，儲定首期等入市。
  • 林泳淘心儀村屋，儲定首期等入市。