千嬅「離家出走」對唔住個仔
剛從冰島做「跟得夫人」回港的楊千嬅，昨日以代言人身份出席健康食品活動，受訪時大呻睇唔到北極光：「覺得一世人一定要去一次，依家睇唔到即係上天要我再去多次！仔仔等佢大啲先去，因為凍得滯。」又指旅程中獨自去行街，重拾「做女」時感覺之餘，又可搵靈感兼減壓。
提到兒子Torres出「血書」通緝媽媽，千嬅坦言上了一課：「佢係雙子座好感性，會兜個圈表達自己情緒，寫張紙貼喺房門口，再叫姐姐（家傭）影相Send畀我，咁樣我個心仲唔舒服！有即刻同佢講Sorry，話媽媽要休息，返嚟會陪番佢。」又講到Torres現時緊貼潮流追韓星，自言要惡補一下，以了解他的圈子。