鄭嘉穎開ig：唉！老婆主意
影后惠英紅、鄭嘉穎和鄧萃雯昨晚出席活動，當中嘉穎以「雪肌蘭」代言人身份現身，提起最近開了Instagram，他卻嘆氣說：「唉，老婆（陳凱琳）主意，冇辦法啦，成功男人嘅背後係要聽老婆主意。」問到太太游說了他多久？他笑言：「講咗幾次，以前會固執啲，依家投咗降。」
惠英紅被問到獲台灣金馬獎邀請做頒獎嘉賓，同時又憑《翠絲》入圍「最佳女配角」，她坦言對攞獎冇信心：「次次呃自己五五波，唔知評審鍾意咩類型，睇好唔好彩。」
鄧萃雯則被問到黃秋生指她見證住被私生子生母打到流血一事，她坦言：「突然見到佢爆缸都嚇親，佢平時大男人嚟，都畀我睇到佢唔掂、軟弱嘅一面。」提到佘詩曼重提當年被對手白眼，有傳該對手是她，她愕然笑說：「吓？我散光o架喎，有冇人白眼我都唔知啦，如果第時出街啲人見到我唔打招呼唔好介意。」
